جددت حبك لية..كوكب الشرق ( السنباطى ) حفل الأزبكية 3 يناير 1952 ( الحفل الأول )

جددت حبك لية..كوكب الشرق حفل الأزبكية 3 يناير 1952 ( الحفل الأول )
كلمات : أحمد رامى
لحن : رياض السنباطى

جددت حبك ليه بعد الفؤاد مارتاح
حرام عليك خليه غافل عن اللي راح
ده الهجر وانت قريب مني كان فيه أمل لوصالك يوم
لكن بعادك ده عني خلى الفؤاد منك محروم
ياهل ترى قلبك مشتاق يحس لوعة قلبي عليك
ويشعلل النار والأشواق اللى طفيتها إنت بأيديك
دنا لو نسيت اللي كان وهان علي الهوان
أقدر أجيب العمر منين وأرجع العهد الماضي
أيام ماكنا احنا الاتنين أنت ظالمني وانا راضي

صعبان علي أقول لك كان والحب زى ماكان واكتر
وافكرك بليالي زمان واوصف فى جنتها واصور
إنت النعيم والهنا وانت العذاب والضنى
والعمر إيه غير دول
إن فات على حبنا سنه وراها سنة
حبك شباب على طول

إنت اللى فات بنعيمه وراح وفات لي طيفه فى خيالي
أسهر معاه الليل سواح عايش على العهد الخالي
وانت اللى فات بضناه وشقاه وساب لى ناره فى ضلوعي
أن مر ع الخاطر ذاكره تنزل من الوجد دموعي
ياللى قضيت العمر معاك ارضى بجفاك واتمنى رضاك
أنت النعيم والهنا وانت العذاب والضنى
والعمر ليه غير دول
إن فات على حبنا سن وراها سنة
حبك شباب على طول

ياللي هواك في الفؤاد عايش فى ظل الوداد
انت الخيال والروح وانت سمير الأمل
ييجي الزمان ويروح وانت حبيب الأجل
وازاي أقول لك كنا زمان والماضي كان فى الغيب بكره
واللى أحنا فيه دلوقت كان ح يفوت علينا ولا ندري
ولما أكون وياك هايم فى بحر هواك
ما اعرفش إيه فات من عمري إن كان رضا أو كان كان حرمان
وافضل وبس أنت فى فكري ياللي بحبك زي زمان

» جددت حبك لية..كوكب الشرق ( السنباطى ) حفل الأزبكية 29 مايو 1952
» جددت حبك لية..كوكب الشرق ( السنباطى ) حفل الأزبكية 1 يناير 1959
» جددت حبك لية..كوكب الشرق ( السنباطى ) حفل الأزبكية 2 فبراير 1956
» قصة الأمس..كوكب الشرق ( السنباطى )..حفل الأزبكية 6 فبراير 1958 ( الحفل الأول )
» دليلى احتار..كوكب الشرق ( السنباطى ) حفل الأزبكية 1 ديسمبر 1955 ( الحفل الأول )

صفحة 1 من اصل 1