حوار الست ام كلثوم مع الموسيقار بليغ حمدي الجزء الثالث

حوار الست ام كلثوم مع الموسيقار بليغ حمدي
الجزء الثالث
اثناء الشغل على اغنيه بعيد عنك
وأنا بسمعها نغمه
وفين انت يانور عينى ياروح قلبى فين.
فين اشكيلك فين
عندى كلام وكلام وكلام وحاجات فين دمعتى ياعين. بيريحنى بكايا ساعات
امتلأت عيناها بالدموع
كانت تبكى بدون صوت تغمض عيناها فى هدوء وينهمر منها الدمع بلا كلام
وضعت يدها على كتفى وقالت
ربنا يحفظك يابنى ربنا يحفظك
لكن لم يمنعها ذلك أن تشد من أذنى وقالت
انا عايزه اغنى الاغنيه دى فى عيد الثوره أمام عبد الناصر
ولم نكن انتهينا من البروفات ولم أكن حتى انتهيت من كتابه النوتات بشكل كامل
قالت لسعديه خادمتها
خدى الافندى ده من أيديه يروح يجيب النوتات وماتسبيش ايدك من أيده وأوعى تسبيه احسن تلاقيه الصبح فى لبنان
وغنتها فعلا أمام عبد الناصر ولكن لم تكن بالشكل اللائق
واحتجنا بروفات كثير حتى ظهرت بالشكل المطلوب
واحيانا كان يحدث هجوم عليا كنت أروح وأقعد أعيط عندها .فكانت تتضحك وتقول لى
واد يابليغ اللى معاه ربنا يمشى على المياه..أتطمن
كانت تهتم بالعمل من بدايته وهو لسه مجرد فكره
كانت تتابع العمل يوميا
أيام ماكنت بشتغل فى (الف ليله وليله)رحت أنفرد بنفسى فى الاسكندريه لأن النغمه كانت معصلجه معايا
يومين ولاقيتها فوق دماغى
قالت انت هربان فين
مش هربان ياست والله بشتغل اهه
قالت .انا أصلى لو سيبتك مش حتخلص فى سنتك..سمعنى يلا عملت ايه
ولما سمعتها اطمنت قالت لى انت لازم تتجوز بقى وتتلم ونشوفلك حته عيل
وكانت تكلم والدتى فى التليفون وتقولها عايزين نجوز بليغ
اشوف انا عروسه ولا تشوفي انت له ياعيشه هانم

اشكرك يا غالى على ذوقك الراقى

ربنا يبارك فيك استاذ صابر على كلامك وذوقك الجميل..طبعا بعيد عنك حفله تونس هى من اجمل حفلات الست

تسلم ايدك معلومات رائعه وحكايات نادرة
بليغ كان فلتة عصره و اوانه

اشكرك استاذ سمير على كلامك الجميل