ست الكل وردة " في يوم وليلة " الجزائر عام 1983

مطربة الأجيال ست الكل وردة " في يوم وليلة " الجزائر عام 1983
كلمات الشاعر الغنائي الكبير حسين السيد وألحان موسيقار الأجيال محمد عبد الوهاب
------

------

في يوم وليله خدنا حلاوة الحب كله في يوم وليله
انا وحبيبي دوبنا عمر الحب كله في يوم وليله
عمري ما شفته ولا قابلته وياما ياما شاغلني طيفه
وفي يوم لقيته .. لقيته هو.. هو اللي كنت بتمنا اشوفه
نسيت الدنيا وجريت عليه سبقني هوه وفتحلي ايديه
لقينا روحنا على بحر شوق نزلنا نشرب ودبنا فيه
ومين يصدق يجري ده كله ونعيش سوا العمر كله
في يوم وليله ..

ياللي كان طيفك على بالي وانا بتمناه
مش حتصدق ايه كان حالي قبل ما القاه
كنت بحسد كل فرحه اشوفها بين قلبين
كنت اغير من اي نسمة حلوه بين حبيبين
ولما صحيت على حبك وشفت الدنيا من عندك
اتمنى لو كل العشاق بيحبوا زي انا ما بحبك
يا حبيبي كنت واحشني من غير ماشوفك وتشوفني
والقدر الحلو اهو جابني وجابك علشان تقابلني
اتارينا كنا تايهين ولقينا اجمل ايام ليالينا
واحنا فيها لوحدينا
ومين يصدق يجري ده كله
ونعيش سوا العمر كله في يوم وليله

قالولي اهل الهوى ياما في قلوب مجاريح
وبحبك انت .. انا حشفي كل جريح
بيسألوني لو غبت عني او رحت مني .. اعمل ايه
احب تاني مش ممكن اقدر
تعرف يا روحي ما اقدرش ليه
هو اللي زيك لو كان في زيك
في الدنيا حد يحب عليه ..
دي كل حاجه اتغيرت .. قدام عينيه
وكل شيء في الدنيا حلو ..باقول دا ليٌه
واي حاجه المسها تحلو في ايديه
وده من نهار حبك ما جه وسلم عليه

حبيب امالي ياغالي عمري كله ليك
وكل عمري يا عمري مش خساره فيك ..
بقول بحبك وحبك كان ميعاده بعيد
وفي يوم وليله ليله جميله هلت المواعيد
قابلت شوقك بشوقي .. بعد طول حرمان
وفي يوم وليله جميله ضحكتلي يا زمان
لو قالولي اليوم وليله دول الحياة يا حياتي
اقول كفايه دي الحياة بالحب حتى لو ثواني
عمر ثاني مالوش نهايه
يا اللي حبيتوا قبلنا .. ياللي حتحبو بعدنا
يارب يتمم فرحكم .. وتحبوا بعض زينا

عاشت أيدك ياعاشق الورد.... لكن تبقى ف يوم وليله م الحفل الأول أجمل أداء للست ورده (هذه وجهة نظري)....

أشكرك أ / مصظفى على فيديو هذه الرائعة ، مع تحياتى .

توفيق قاسم العقابي كتب:: عاشت أيدك ياعاشق الورد.... لكن تبقى ف يوم وليله م الحفل الأول أجمل أداء للست ورده (هذه وجهة نظري)....

الله يخليك ياأستاذ توفيق
الحفلة الأولى لأنه غنت زي ماطلب منها موسيقار الأجيال
بس أنا كعاشق للوردة بحبها أكثر لما بتضيف حاجات من عندها زي مثلا
حفلتي باريس والكويت عام 1979

محمد شرع كتب:: أشكرك أ / مصظفى على فيديو هذه الرائعة ، مع تحياتى .

العفو يامحمد سعدت بمرورك

صفحة 1 من اصل 1