الحلقة(16)-رفضت اجراء جراحة..لتصغير أنفى

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

حلقات رائعة جدا

ياترى د.بيشوى ..
ما هو رد فعل حضرتك ايام نشر هذة الحلقات وايضا رد فعل الاصدقاء ؟

ياترى د.بيشوى..ماهو رد فعل حضرتك أيام نشر هذه الحلقات وأيضا رد فعل الأصدقاء؟..أشكرك أختى ليلى على مرورك الغالى كما أشكر أختى نهى على المشاركة الغالية..هو فى الحقيقة عند صدور المذكرات لأول مرة عام1973و1974 كنا صغار(فى اعدادية)هههههه..يعنى لم نكن متابعين المجلة لكن لما المذكرات تم اعادة نشرها عام 1977و1978(كنا فى الثانوية وبداية دخول الجامعة)كانت هناك حالة انبهار وذهول من المذكرات سواء أنا أو الأصدقاء لأننا فى حاجات كتير عرفناها لأول مرة وخصوصا كانت بعد رحيل حليم مباشرة وكنا حاسين(أن هناك حاجة كانت أمامنا واتخطفت فجأةومش هانشوفها تانى والحاجة دى هى عبد الحليم الذى كان كل شىء فى حياتنا)عبد الحليم كان حاجة جميلة فى حياتنا وعمرنا ماهننساه..لكن ربنا أعطى الانسان نعمة وهى(النسيان)يعنى تخيلى أختى ليلى لو حالة الحزن الشديدة مش على عبد الحليم فقط على أى انسان رحل وخصوصا الأم وأنا عن نفسى باعتبر يوم رحيل الأم هو(علقة العمر الأليمة)لأنى أنا مجرب هذا اليوم..تخيلى لو الانسان مش بينسى بالتدريج(هذه النعمة العظيمة)أو الحزن مش بيقل..يعنى ممكن الواحد بعد 20 أو 50 سنة يفتكر يوم الرحيل(زى عبد الحليم مثلا)صحيح بيحزن ولكن للحظات مش زى قوة الحزن يوم الرحيل نفسه..ولو قوة الحزن مش بتقل مع مرور السنين كانت هتبقى هناك مشكلة كبيرة...أما بالنسبة للأصدقاء هو أنا كنت مشهور بين أصدقائى أن هناك ثلاثه فى حياته(عبد الناصر وعبد الحليم ونادى الزمالك)لكن من ضمن الأصدقاء كانت هناك مجموعة من جمهور فريد الأطرش وكانوا بيحاولوا يستفزونى ويقولوا مثلا أن فريد زملكاوى وازاى انت تكون تبع عبد الحليم وعبد الحليم أهلاوى وتسيب فريد ههههههه..ولكنهم لم يفلحوا فى ذلك هههههه...أشكرك أختى ليلى على السؤال الجميل الذى أتاح لى الفرصة للتعبير عن مشاعرى

انا اللى اشكرك جدا على هذة الذكريات والمشاعر الجميلة التى قل الكلام عنها هذة الايام ..

وحقيقى النسيان نعمة كبيرة..

واحب اهدى لحضرتك غنوة وردة وبليغ

بنلف نلف و السنين بتلف تلف
و الم بيزيد و جراح بتخف

حبيبي بنستقبل ربيع و نودع ربيع يخضر الشجر تتنسي الدموع و يحلو السفر
حبيبي بنودع ربيع و نستقبل ربيع يأمرنا القدر تنطفي الشموع و يغيب القمر
و نصبح ذكريات مجرد ذكريات مجرد غنوة حلوة من ضمن الاغنيات

صفحه من كتاب الذكريات.... الى الأخت الغاليه ليلى... مع الود

يوم رحيل حليم... كنت أستعد لأمتحان البكلوريا (الثانويه العامه) الأمتحان يبدأ يوم 2 يونيو 1977... مرت أتعس أيام ف حياتي مابين الرحيل.... وتحديد المصير...!!!!! أيام قاسيه جداً.. هي الأيام التي تلت رحيل العندليب... متعبه.... محبطه.... حزينه جداً.... بأختصار...(أيام زي الزفت)... وكنا شله (ف ذاك الوقت) مكونه من 5 اصدقاء (حليمين حد النخاع)..وكلنا ف نفس المرحله الدراسيه وبنذاكر سوا في بيتنا.... وكان صوت العندليب بيصدح في كل شوارع بغداد... اينما أذهب... البيت.... المدرسه... العربيه... المحال التجاريه.... كل مكان..... المهم الأمتحان خلص يوم 26 يونيو 1977.... كنا اتفقنا أول ميخلص الأمتحان نطلع رحله الى شمال العراق (عشان كنا متعبين جداً)... وفعلاً رجعت البيت وحضرت الشنطه... وكذلك فعل بقية الشله وعلى محطة القطار عشان ناخذ أول قطر يتجه الى محافظة نينوى واللي كانت أول محطة ف الرحله.... وخذت معايا الريكوردر (وهذا أهم مافي الرحله) ومعاه 4 كاسيتات (3 منهم تسجيل حي لحفل قارئة الفنجان ف شم النسيم 1976، كنت سجلته من الحفل مباشرة، وكاسيت حفل الألبرت هول في لندن... وبس) والسبب أنه لو كنت حزين هسمع قارئة الفنجان... ولو كنت فرحان هسمع حفل لندن)، وفي محطة القطار صادفنا 4 شباب كنا هنتخانق معاهم لسبب سخيف جداً.... المهم كلمه من هنا كلمه من هناك... بدل منتخانق تعارفنا (وبالمناسبه همه زي ظروفنا بالضبط وكمان طالعين رحله) كنت واخذ معايا الجيتار بتاعي (جيتار أسبانيولي) أنا معرفش أعزف الا أهواك وبس!!!!! كنت لسه بتعلم جديد (زي مبتقول الست نجاة) صعدنا ف القطر وقعدنا كلنا في مكان واحد وهات ياعزف.... الرحله ف القطر كانت 10 ساعات من 10 مساءاً الى 7 صباحاً.... عملنا حفله ولا حفلات أضواء المدينه... المهم كل اللي ف القطر مناموش وفضلوا صاحيين ويغنوا معانا و80 % من الأغاني كانت أغاني عبد الحليم..... المهم كانت أجمل رحله ف حياتي عشناها بعفوية الشباب.... والأصدقاء اللي تعارفنا بهم فضلوا لغاية اليوم من أكثر الاصدقاء اللي أعتز بيهم... ولما نتقابل نفتكر تلك الأيام.... ونفتكر عبد الحليم اللي كان بيمثل لنا ساعتها.... الأمل ببكره....!!!!! وأن شاء الله في مناسبة تانيه أكملك تفاصيل الرحله..... (

شكراً د / بيشوى على حلقة المذكرات وعلى الذكريات الجميلة ، وشكراً أ / توفيق على ذكرياتك الحليمية ، مع تحياتى .

الله عليك استاذ توفيق ذكريات تخلى اللى يقرأها يتمنى ان يكون فيها
حقيقى ما فيش اجمل من كدة

بس حضرتك طلعت فنان ..
انا كان نفسى اتعلم العزف على الكمان

اسعدتنى جدا استاذنا الغالى وياريت لاتتأخر في باقى الذكريات

بعد الوصول الى مدينة الموصل (مركز محافظة نينوى) صباح يوم 27 يونيو 1977، أستقر الرأي على أن نكمل مسيرنا الى محافظة أربيل ويكون تنقلنا بواسطة (الأوتوستوب)!!!!!! شباب بقى؟؟؟ وفعلاً فطرنا ف أقرب مطعم ثم واصلنا طريقنا الى أربيل... ومنها الى مصيف صلاح الدين.... في المصيف أتفقنا على أن نسكن ف بيوت الشباب... وهو عباره عن كامب (مخيم) واخترنا أربع خيام متجاوره، كل خيمه تسع لثلاث أشخاص.... رتبنا السراير وبسرعه الى النوم... وفي المساء زرنا مدير الكامب لنعرف بعض التفاصيل... وأهم شيء متى يغلق باب الكامب؟؟؟؟.... المدير راجل عسل وسكره (كاكا عثمان).... عمره ف الأربعينات... عرفناه بنفسنا... رحب بنا بحراره وقال لنا: اي شيء تحتاجوه تجوني على طول... عرفنا أن باب الكامب يغلق ف الساعه 12 مساءاً.... خرجنا في جوله ترفيهيه..... واستمتعنا بالجو الجميل والمناظر الخلابه.... نسيت أقول أن أتنين من أصدقائنا الجدد كانو يجيدوا العزف على الجيتار وبأحترافيه واثناء الرحله تعلمت منهم الشيء الكثير في أصول العزف... المهم رجعنا قبل منتصف الليل وعزمنا المدير على العشاء... وتبادلنا أطراف الحديث... الراجل المدير تبين أنه بيحب عبد الحليم موت.... وقعدنا نتكلم عن حليم لغاية الساعه 4 صباحاً.... وقبل منخرج ناداني وأهدالي مجلتين.... الكواكب العدد اللي صدر ف أربعينية حليم مع هدية العدد والتي كانت بوستر للعندليب بيعزف فيه ع العود.... وعدد صباح الخير اللي فيه مذكرات حليم (ذكرياته مع صوفيا لورين) والذي أنزله حبيبنا الغالي د.بيشوي قبل كام يوم.....ورغم أني كنت أمتلك تلك الأعداد لكنها كانت هديه رائعه جداً من أنسان مثقف محترم... في اليوم التالي كان فيه حفل في النادي الليلي ف المصيف... الحفل يبدأ ف الساعه 11 مساءاً وينتهي ف الساعه 3 صباحاً.... أحنا عايزين نروح الحفل بس باب الكامب يغلق ف الساعه 12، المهم رحنا الحفل وأنبسطنا (بالمصري) كتير قوي ورجعنا الكامب كانت الساعه داخله على اربعه الا تلت صباحاً.... كيف سندخل....؟؟؟؟ ومن سيفتح الباب في هذا الوقت....؟؟؟؟؟
جاتلي فكره جهنميه.... قلت لصحابي أننا نرجع الوقت في ساعاتنا الى ماقبل ال12، في ذاك الوقت كانت الساعات الديجتل لسه نازله ف السوق واغلبنا لابسها.... رجعنا الوقت... ودقينا باب الكامب... وقفنا لمدة عشر دقايق... بعدها جي واحد من الحراس (وكان نايم كالعاده).... دخلنا عليه بخناقه.... "هو أنت نايم والساعه لسه أتناشر الا...." الحركه دي أنا سامعها من حليم لما كان يتأخر ع البروفه... ويدخل بخناقه ع الفرقه الماسيه.....
الراجل بص ف ساعته وقال أتناشر أيه يبو أتناشر.... الساعه دلوقت أربعه الا....!!!!! قلناله ساعتك بايزه يخويه... تعال بص في ساعاتنا.... هو فيه ساعه دجيتل بتغلط؟؟؟؟؟ الراجل صدق الكلام وأعتذر وفتح لنا الباب وقال أنا متأسف الظاهر ساعتي بتحشش......
واكملك ف الحلقه الجايه

ذكريات وحكايات رائعة جدا استاذ توفيق تسلملنا عليها وفى انتظار تكملة هذه الحكايات الممتعة باذن الله

هههههههههههههههههههههههه
مش معقول جمال هذة الحكاية انا لو بإيدى كنت انشر مذكرات حضرتك

عجبتنى شخصية كاكا عثمان الظاهر ان كل الناس الطيبين بيحبو حليم

في انتظار باقى المذكرات الممتعة جدا جدا

أسعدني مرورك يانهى.... أسعدني مرورك ياليلى.... أنت كده هتخليني أكتب مذكراتي....ههههههههههههههههه..... سانقل الموضوع الى صفحه مستقله عشان أنا كده بتطفل على موضوع استاذي الغالي د.بيشوي....

» في ذكرى رحيل العندليب ال38.. الحلقة المغلقة على صاحبها 2 أبريل 2015.. الحلقة رقم 147
» نهاية مايو.."عمر الشريف" يسافر باريس لإجراء جراحة
» صورة الأسبوع النادرة..العندليب على فراش المرض 2-بعد اجراء اول عملية جراحية
» الجماهير رفضت رحيل العندليب
» سعاد حسني رفضت الزواج من عبد الحليم

صفحة 1 من اصل 1