(سكة الضياع) فهل من ملحن؟

الاغنية تتحدث عن الضياع في اسؤء حالاته
راجع وعمري بيجرح ظنوني..راجع وامري بيقرح عيوني
وعملت ايه يا حنان؟
في سكة الحرمان؟
كل ما امشي خطوة
ارجعها بالاحزان
شوف قسوة الزمان
كان ليا امل مكسور
ونشيده تغنيه طيور
وهوي العزم سر معايا
امشي بلاد واعدي بحور
ده علي امل الصراع مغرور
ومع كل اسم الضياع مجرور
والاقي كل جرح بيقسي
ع التاني كل فرح بينسي
والاقي وهمي ده صحاني
وفين يا املي اروح تاني
___________
مين اللي قال ان الحياة سوده؟
وان الفرح فيها ايامه معدوده
لو نفهمها صح تدينا حياتها
ده الصبر طويل والهم ف الروضة
ومين اللي قال اني كاره مشواري
ده في كل خطوة مني سر اصراري
وملاك الصلاة بتنادي بجهادي
ده بيجري عليها ولربي مشهودة
يبقي ده جزاء الحيرة تدي املي شويه غيرة
يواسيني فرحي في ساعة الضياع
ويصبرني جرحي مع اللي اتباع
من امالي الجريحة
بتنزف في سكة طريحة
سكة الازمان
وسيرة الحرمان
سادت الاوطان
وعدت للامان
علشان تتطمني
والقسوة تظلمني
في الضياع الضياع
وتحرمني
والاقي كل جرح بيقسي
ع التاني كل فرح بينسي
والاقي وهمي ده صحاني
وفين يا املي اروح تاني
___________
3
في مركب الايام بعيدة جزيرة
بتدفعنا لقدام وتزود علينا حيرة
ولما نيجي لها نلاقي سراب
ولما نيجي لها ندالي عذاب
بيزود سكتي سيرة والله سيرة
ومش لاقي امري في سكة خطاي
وبيه ضيعت عمري والقلب معاي
يمكن الاقي سكة جديدة
تخلي ايامي وردة سعيدة
لكن ع الوهم والتنهيدة
علي قرارته الشديدة
بتقولي مش عارف
ليه الحزن عليا فريضة
حاسس املي معايا ومش معايا
مش ويايا
والله حرام ده كتير كفاية
كل شئ ديما بيفوت
ولا شئ في الدنيا بيستني
ده قلبي م الجبروت
لا عارف يحزن او يتهني
والاقي كل جرح بيقسي
ع التاني كل فرح بينسي
والاقي وهمي ده صحاني
وفين يا املي اروح تاني