توثيق حفلات حاول تفتكرنى ويامالكا قلبى ورساله من تحت الماء

470 يوما بالتمام والكمال اى سنه وثلاثة اشهر وخمسة عشر يوما غابها عبد الحليم حافظ عن جمهورة العريض منذ حفل رأس السنه 31 ديسمبر 1971 وحتى عودته فى حفل الربيع فى 29 ابريل 1973 موعد تقديم روائعة الثلاثه يا مالكا قلبى ورسالة من تحت الماء وحاول تفتكرنى  
شهدت هذه الفترة فترة غياب حليم ظهور الفنان هانى شاكر وكثرت الاقاويل انه الخليفة المنتظر لعبد الحليم حافظ وكتب يومها الكاتب الصحفى الراحل نبيل عصمت فى جريدة الاخبار ان حليم سيهدى حنجرته الذهبيه لهانى شاكر وذلك فى معهد الموسيقى العربيه بشارع رمسيس وامتلأ الشارع عن اخرة ثم اتضح ان هذه كذبة ابريل من الصحفى نبيل عصمت
نعود للروائع الثلاث يا مالكا قلبى ورسالة من تحت الماء وحاول تفتكرنى بترتيبهم فى الحفل الاول
غناهم حليم لاول مرة فى حفل شم النسيم 29-4-1973 وشهد هذا الحفل تقديم الفنان عماد عبدالحليم لاول مرة
قدم حليم الاغنيات الثلاث ايضا فى حفل 7 اغسطس 1973
حفل حدائق كازينو الاريزونا فى 25 اغسطس 1973
حفل بيسين عاليه فى لبنان فى 1 سبتمبر1973 امام سبعة الاف شخص من عشاقه
قدم حليم ايضا يامالكا قلبى فى حفلى 4 مايو 75 حفل نبتدى منين الحكايه الاولى
وفى حفل 25-7-1975 حفل نادى الترسانه بمناسبه عيد الثورة
وقدمها ايضا فى حفل بيسين عاليه فى 17 اغسطس 1974 بعد ان غنى اى دمعة حزن لا و فاتت جنبنا وذلك عندما اصر الجمهور ان يغنيها وذلك فى السادسة صباحا
قدم حليم رساله من تحت الماء مرة اخرى فى حفل 7 اكتوبر1975 فى الوصله الاولى مع يا قلبى خبى وكانت الوصله الثانية نبتدى منين الحكايه ويا خلى القلب
كانت اخر حفله لرساله من تحت الماء هى حفلة الكريسماس فى 26 ديسمبر 1976 مع قارئة الفنجان
احبائى كما هى العادة دائما فى كل توثيق اقدمه اقول انه من المؤكد انه هناك حفلات اخرى ليس لدينا عنها معلومات والباب مفتوح للنقاش

معاك حق استاذ سمير فعلا اكيد هناك حفلات مجهولة ...

لكن اكيد كان هناك اعلانات لها سواء في الجرايد والمجلات
عموما الخبر اليقين عند استاذنا توفيق

شكراً أ / سمير على هذا التوثيق ، مع تحياتى .

الف شكر اساتذتى الافاضل كنت بالفعل اتسأل مع نفسى هل بقى حليم اربعة اشهر من ابريل الى اغسطس لم يقدم الاغانى الثلاث مرة اخرى ولكن كما تفضل الاستاذ الكبير توفيق قاسم العقابى فقد قدم حفلا فى 12 اغسطس تأجل لثلاث مرات
رحم الله حليم كان ينزف من اجل اسعاد الملايييييييييين

....تحياتى...طبعا توثيق جميل ودقيق...وأعتقد الاستاذ سمير نفسة صوب بعد كدة تاريخ حفلة شم النسيم عشان يبقى 29 ابريل 1973 بدلا من 16 .........تاريخ ومكان العرض التانى للروائع التلاتة دول هو اللى عايز اتكلم علية..... ( طبعا التليفزيون باشا مانقلهاش عالهوا ولكن للأمانة سجلها وأول مرة يعرضها كاملة عارفين إمتى..فى الذكرى الأولى لوفاتة فى 30 مارس 1978..قبل كدة كانت مقتطفات بس..) ...انا كنت معاصر الفترة دى ( صيف 1973 ) كويس أوى....التوثيق بيذكر ان الحفلة دى كانت فى 7 أغسطس....بس استاذنا وعميدنا فى إستعراضة قال ان الحفلة كانت مقررة فى 24 يوليو فى قاعة الإحتفالات بجامعة القاهرة ( ودة كلام مظبوط جدا لإنى فاكر كوبس الأقيش اللى كان بينزل كل يوم فى عامود فى جريدة الأخبار بيقول 24 يوليو مع صورة وجة حليم بالمواجهة من حاول تفتكرنى شم النسيم )...وبعدين إتأجلت (مظبوط )...وأقيمت فى 12 أغسطس فى ريفولى...وهنا فى كلام شوية.....اللى فاكرة ( إلا لو كان الزهايمر بدأ يعمل عمايلة...) إن الحفلة دى إتأجلت اسبوعين بالظبط بعد 24 يوليو لتقام فى مكانها المحدد ليها أصلا ( جامعة القاهرة )....وأكاد أفتكر أفيش 7 أغسطس بس مش بنفس قوة افيش 24 يوليو........إحنا عايزين نحسم تاريخ ومكان الحفلة دى بشكل قاطع خصوصا وإنها مدرجة فى مربع الحفلات اللى فى الصفحة الرئيسية للمنتدى ( واللى محجوب عنى عشان معنديش صلاحيات...ماشى..)...........حاجة كمان والأمانة تحتم عليا أقولها....وانا باكرر..كنت معاصر الفترة دى...قطاع ملحوظ من عشاق حليم المخلصين ( الجمهور الأصلى مش الجمهور التانى اللى مايتسماش..) مش حاأقول زعلوا لكن على الأقل خدوا على خاطرهم من حليم لما عمل حفلة للروائع التلاتة دول فى كازينو الأريزونا فى شارع الهرم...هم شافوا ان حليم أكبر بكتير انة يغنى فى الأماكن دى.....طبعا...........تحياتى

تحياتى ياكبير......أول حاجة يبقى الزهايمر لسة ماجاش.....أصل تاريخ 12 اغسطس دة وريفولى شككونى فى نفسى بصراحة.....رغم ان انا كنت دايما فاكر غلى مدى السنين ان اول عرضين للتلاتة دول كانوا فى الجامعة.... هههههههه...صورتين من حاول تفتكرنى وراهم صورتين من رسالة...اية الحلاوة دى....انت دايما كدة جاهز على طول......انما الصورة الخامسة دى هههههههههههه مش من الحفلة ههههه....صاحبها كان عندة 12 سنة وتلات ايام بالظبط وقت الحفلة ماكانت شغالة أصلة من مواليد 4 أغسطس 1961 وكسروا وراة قلة هنا لما اتكل....لكن انت عايز توريني القاعة...حبيبى...عارفها ههههه.....وتشكر طبعا.....مش متفق معايا باردو ان المكان دة يليق بحليم....دة حتى ريفولى وقصر النيل مش قد كدة باردو بالنسبة للقاعة دى.....نيجى بأة للمهم....تشكر وتشكر وتشكر بس كنت تقوللى باردو دنا حبيبك....انا اعرف منين...انا كنت فاكر ان اللى يعمل 30 مساهمة باين ولا أقل يمكن... يبقى أوتوماتيك صديق المنتدى....طب القسم اللى كنت باتكلم علية دة...مانشيلة ولا رأيك اية....تحياتى...تحياتى ياكبير......

...أقصد...كنت فاهم ان حتى لو كنت صديق المنتدى...ممكن تكون فية مواقع محجوبة...ومقصورة على مجموعة معينة ( الأعضاء الأوائل مثلا..)....واللى دعم الإعتقاد دة عندى القسم اللى كنا بنتكلم علية واللى ماكنتش اعرف انة ملغى...كل ماكنت احاول ادخلة يكون الرد انة ليس لدى صلاحية لقراءة هذا الموضوع وانة مقصور على مجموعة معينة لها هذة الصلاحية....عموما الصورة وضحت الأن ولا يسعنى غير انى اشكرك على ثقتك فى....محبتى انا كمان....

......حبيبى....معتهش عندى المرة دى..هههههه

..اقصد معلهش مش معتهش