كلمات اغانى العندليب( ذ) حرف الذال

ذكريات
عبد الحليم حافظ


كلمات : أحمد شفيق كامل
ألحان : محمد عبد الوهاب


رجعتنى الذكريات...للى فات من حكاية لحكايات
فكرتنى وافتكرت...وبخيالى هناك بعدت ... واتخذت
فكرتنى بالطفولة ...واللى كان وقت الطفولة
وافتكرت سنين بعيدة... بعيدة...مش سعيدة
واحنا فى مصر الجديدة ...ده كان زمان
الجيران من كل جانب ...كانوا اكترهم اجانب
الانجليز حالهم يغيظ... والعجايب
كنت حاسس انى أنا وأهلى الاجانب
ذكريات
حتى أسماء الشوارع والمصانع كلها قدام عنيا أجنبية
ذكريات
كنت تلميذ فى ابتدائى ..وأصدقائى ...يوم كدة فى شارع جنب بتنا
كن بنطير طيرتنا ...اللى صانعينها بأدينا ...التقينا
شلة من اولادهناك ..انجليز من سننا ..بيطيروا هما كمان طيرتهم زينا
طيرتنا وطيرتهم مرت النسمة خدتهم ...شبكتهم... عقدتهم ...وقعتهم
الولاد الخوجات بالضرب هات فينا ...ضربناهم برجلينا وإدينا ...وانتهينا
فى البوليس راحوا اشتكونا... وجرجرونا... وبهدلونا

التقينا فى قسمنا... اللى اسمه عربى... الشويش راجل أوروبى
انجليزى وشه أحمر قال:

Egyptians ...how dare you beet them
Dont know them
دول حماية
ابتدى قلبى الصغير يدوّر عن جواب لسؤال يحير
احنا مين ...فى بلدنا وللا فين؟
التقيت رد السؤال الاحتلال..ظلم وضلال... ظلم وظلام

الذكريات... للى فات رجعتنى وفكرتنى الذكريات
انا شفت العلم البريطانى... بيدنس نسمة أوطانى
منظر حسرنى وبكانى ...خلانى كرهت أشوف تانى
وفى علمى دريت دمع هوانى
إزاى أوطانى الجبارة...محكومة بقصر وبسفارة
ولكل دخيل فيها ادارة...وجيوش محتلة ومخمورة
تنهب فى بلدنا المأسورة
إزاى
وازاى فى اللد وفى الرملة كانت العملة
مأساة كاملة ...إستشهد أخويا فى أراضيها بين روابيها
وحبيبتة خطيبتة منساش لوعتها... وكلامها لصورته
إزاى يا حبيبى ..إزاى غـشوك ...إزاى بسلاحك... بأديك قتلوك
إزاى
اسلحة فسدانة وخسرانة غشنا حكامنا ودسوها
ليه تاجروا فيها... وقتلونا بيها ليه

وفى ليلةرهيبة والريح بتصفر وتزوم... ولا باينة نجوم
القاهرة... الساحرة... الساهرة
إزاى
بقت فلحظات كلها دخان ولهب ونيران
وصراخ وعذاب... وخراب.... ودمار... بتاكلها النار
القاهرة.... الساحرة
ازاى
والنيران... صبحت رمادواللهب فى قلوبنا قاد رغم السكون
كان الغضب بركان بيغلى فى العيون كل العيون
وصحيت على ثورة ... بترج الدنيا
ولقيت أوطانى حكمها فى إديا وجمال قدامى بينادى عليا
قوم وارفع رأسك واشبع حرية
كنت فى صمتك مرغم...كنت فى حبك مكره
والله زمان يا سلاحى...الله اكبر
اشتقت لك فى كفاحى الله اكبر
إنطق وقول انا صاحى الله اكبر
بعد طول الذكريات واللى فات من حكاية لحكايات
بصيت لطفولة اولادى
وبقيت أتصور أحفادى
بتغنى وبتنادى... بكرامة... وسلامة
هنا وطن الحرية هنا حصن القومية العربية

احرار فى بلدنا فى دنيتنا...ولا فيش فى سمانا اللا رايتنا
احرار ونحب الحرية لبلدنا ولكل الدنيا ولكل الامة العربية
يا بلادى