وردة - قلبي سعيد - حفلة ابوظبي عام 1982

مطربة الأجيال وردة
أغنية : قلبي سعيد ـ حفلة ابوظبي عام 1982
كلمات الشاعر الغنائي الرقيق عبد الوهاب محمد
ألحان الموسيقار الشيخ سيد مكاوي

-------------
قلبي سعيد وياك ياحياتي وياك ياحياتي قلبي سعيد
فرحان فرحة قلب تهنى أيوة تهنى بيوم العيد
حبك خلى الكون في عينيا أجمل عالم من حوليا
كله جديد في جديد .. ياحياتي آه ياحياتي

اول مرة أشوف الدنيا دنيا كبيرة ومش سايعاني
أول مرة ألاقي لعمري طعم ومعنى جميل إنساني
أول مرة لما أجي أتكلم ألقى كلامي كأنه أغاني
أول مرة أحس بأني بعد الحب بقيت شيء ثاني
عندي شعور وردة بترقص في الأغصان
حاسة بنشوة عصفور غنى له الكروان
آه لو تعرف بس ياغالي إنت بقيت إيه بالنسبة لي
روحي .. عقلي .. قلبي .. أملي
إنت المنى من غير تحديد .. حبك خلى الكون في عنيا
أجمل عالم من حواليا .. كله جديد في جديد ياحياتي ..

حبك جالي في وقته ياروحي .. جالي في وقته تمام
جالي ملاني سعادة ماشوفتش .. زيها كده ولا في الأحلام
مين يتصور إن هنايا فوق الوصف بأحلى معاني
ولا يصدق لما أقول له إن زماني سمح واداني
عندي شعور وردايه بترقص بالأغصان
حاسه بنشوة عصفور غنى له الكروان

للدرجة دي هواك غيرني .. للدرجة ذي الهوى خلاني
روح شفافة ناعمة وراضية .. ملهاش غير الحب أماني
عايزة الحب لكل العالم .. ويهنيه زي ماهناني
كل الناس سوا يبقوا حبايب .. ولا فيش حد يعيش وحداني
يفظل نور الحب علينا ليل ونهار
هنا وسرور يزودونا مودة باستمرار ..
آه لو تعرف بس ياغالي .. إنت بقيت إيه بالنسبة لي
روحي .. عقلي .. قلبي .. أملي
إنت المنى من غير تحديد .. حبك خلى الكون في عنيا
أجمل عالم من حواليا .. كله جديد في جديد ياحياتي

شكراً أ / مصطفى على هذا التسجيل النادر لهذه الرائعة
مع تحياتى

شكراً أ / مصطفى على هذا التسجيل النادر لهذه الرائعة
مع تحياتى

شكرا استاذ مصطفى على هذه الاغنيه الجميله وعايزين المزيد ولو حفلات صوتيه فقط ..رحمها الله وجعل مثواها الجنه

صفحة 1 من اصل 1