كفاية نورك عليا بصوت احمد نوح

الاغنية بصوتى اللى على (قدى)
انا عارف طبعا انى خارج المسابقة ...بسى حبيت اشارك اخوانا المتسابقين مش اكتر
و على رأى حليم ........... (يا بخت مين يشارك)

http://www.mediafire.com/download.php?2zzzoa2zz01

عايز تصويتكم بقى ههههههههههههه

سلمان جهام كتب:

رائع جدا
عايزين نسمع الباقي بقى
سلمان جهام

موجودين ان شاء الله

الألآتى كتب:

ahmednooh كتب:

انا عارف طبعا انى خارج المسابقة ..

ولما إنت عارف إنك خارج المسابقة .. حاطط أغنيتك فى صفحة المسابقة ليه ؟؟

يابنى هى العملية ناقصه لخبطة ..

روح حطها فى قسم إبداعات الأعضاء .. ربنا يوفقك ..

انا اسف يا ريس انا مش قصدى الخبطكوا و الله
انا كان قصدى عمل روح حلوة للمسابقة مش اكتر ....... لغاية لما باقى المتسابقين يكملوا المسابقة
و باكرر اسفى للمرة التانية ...... يا رت لو حد يعرف ينقلها .....يفعل ذلك

شكرا لاداءهذه الاغنية الرائعة

sally ahmed كتب:

شكرا لاداءهذه الاغنية الرائعة

شكرا ليكى انتى يا سالى و يارب تكون عجبتك

معشوقة الجماهير كتب:

ahmednooh كتب:

معشوقة الجماهير كتب:

صوتك حلو يااحمد
وبتحتاج للتدريب وهتبقى احلى ان شاء الله
وياريت تخلى بالك من الزن اللى بيبقى موجود وانت بتسجل

وليا عندك كام سؤال
هل بتفكر تحترف الغنا وتبقى دى شغلتك الاساسيه ؟
ولو غنيت هتكون ايه نوعيه الاغانى اللى هتغنيها ؟ بتحب تغنى ايه ؟
لو مبقتش مطرب هتشتغل ايه بتحبه تانى غير المزيكا ؟
وربنا يوفقك ان شاء الله
ومتنساش تتدرب كتير ... حتى لو زى مابتقول انا بحب اغنى لحليم وبس
ومش واخد الموضوع احتراف ... برضه اتدرب عشان تغنى وانت سعيد اكتر

شكرا على المجاملة بتاعت صوتى اللى ..حلو... ( ولا حلو ولا حاجة )
انتى بصراحة اللى صوتك احلى من الكروان ...صوتك صراحة بيفكرنى بصوت انا باعشقة جدا هو صوت (ريهام عبد الحكيم)
--و هابقى اخلى بالى من الزن بعد كدة
--بصراحة عمرى ما فكرت احتراف الغناء لسبب بسيط ( رحم الله امرئ عرف قدر نفسة) و انا عارف صوتى ممكن يبدو (مش بطال )او(باعرف ادى على قدى) لكن لا يصل لدرجة الاحتراف
--اما عن نفسى انا فعلا باشتغل ... انا معايا بكالريوس تجارة و شغال محاسب تكاليف فى شركة النيل العامة للأنشاء و الرصف ... بسى باحب جدا مجال الكمبيوتر و الموبايلات (تقدرى تقولى محترف فيهم )
اما عن موضوع التدريب ( اتدرب ازاى يعنى مش فاهم) يعنى اعمل (بوكاليز ) زى اللى باشوفة فى ستار اكاديمى و اقول ( ميييي اااااه اييييييييه ييييي ) و الحاجات الغريبة دة
ولا اتدرب ازاى و فين ....... بسى دة هيبقى لمزاجى الشخصى بس (ليس للاحتراف)
لأنى انا بجد باعشق العندليب و مش باحب ادندن بصوتى الا له هو
اعمل اية بقى (خالتى السبب) و انا عندى 6 سنين خلتنى اغنى فى حفلة المدرسة و حفظتى (حكاية شعب ) (و اغنية بتقول اكل بيجرى بيجرى و يتشمر و يهد و يبنى و يبنى و يعمر) اللى لسة عارف من 3 سنين بس انها مقطع من اغنية الفوازير ههههههههههه
انا اسف للاطالة
فى النهاية اتمنى ليكى التوفيق و ربنا ينولك مرادك و تبقى نجمة كبيرة ان شاء الله (و ساعتها اجى امضى منك اوتوجرات) و تعملى مش عارفانى بقى و انا اقولك فاكرة المنتدى و كدة ههههههههههههههه

هههههههههههههههههه ابدا والله عمرى ماانسى الناس الطيبه

اول حاجه عايزه اقولك انك لو تحب تتدرب وتغنى صح
ممكن تروح كليه التربيه الموسيقيه وتاخد فيها دورات
دى هتساعدك تغنى حلو
وعلى فكره انت لو اتدربت والله صوتك هيكون احلى بكتييييييير
لانك عندك موهبه حلوه هتكون اجمل لو اهتميت بيها
ولما تلاقى روحك بقيت احلى فى الغنا مش بعيد نلاقيك فى يوم من الايام محترف الغناء
وانا اللى اجى عشان تمضيلى واقولك فاكر يوم ماقولتلك اتدرب عشان تغنى اجمل
وانت تبصلى كده وتقولى لا مش فاكر
وربنا يخليك لذوقك ورايك فى صوتى .. الف شكر
اتمنالك التوفيق فى حياتك .. وربنا يوفقك فى شغلك الحالى يارب
ويوفقك لحد ماتتدرب ويمكن نسمع قريب عن صوت جديد اسمه احمد نوح

هههههههههههههههههههههههههههههههههههههههه
و الله ضحكتينى من قلبى بجد يا مروة
حلوة منك حكاية المطرب (احمد نوح) ...متخافيش انا كدة كدة هابقى امضيلك
لأنى هافضل محاسب زى ما انا ......هامضيلك محاسب احمد نوح ههههههههههههه
اما عن التدريب اوعدك ابقى افكر فية بسى على رأى المثل (بعد ما شاب ودوة الكتاب) و انا عندى 27 سنة خلاص كام سنة و اعدى ال30 و ابقى عجزت......... رجل فى الدنيا و رجل فى القبر
فى النهاية اتمنى اشوفك بقى على قنوات (روتانا و art ) طرب و تبقى نجمة قد الدنيا .....بسى ابقى خلينى اتصور معاكى (للشهرة)