حياتى انت ..عبد الوهاب..

حياتى انت.....( احسن جودة ممكنة )
كلمات : حسين السيد

حياتي انت ما ليش غيرك ـ وفايتني لمين
ظلمت روحي وحبيتك ـ وبقى لي سنين
عمال اقاسي ليل ونهار ـ سقم الليالي والأفكار
والشوق فى قلبي تاه واحتار ـ والوجد زود بي النار
ويهون عليك بعد ده كله ـ أخلص فى حبي واتألم
ليه الفؤاد ترضى بذله ـ ما دام عرفت انه مسَلِّم
لو كنت يوم هنيتني معاك ـ ما كانش يصعب علي
وكنت لما اشتاق رؤياك ـ طيفك يخايل عيني
لكن غرامي كان أوهام ـ ما دامش اكتر من أحلام
وكل ما تفوت الايام ـ تزداد جفا وازداد آلام
حياتي انت ما ليش غيرك ـ وفايتني لمين
ظلمت روحي وحبيتك ـ وبقى لي سنين
كل ما يشبح خيالي ـ يسبق الفكر الخيال
افتكر زهرة آمالي ـ اللى دبلها الآمال
وافتكر صفو الليالي ـ واشكي من وجدي اللى طال
واقول مسير الحب ـ يجمع بين قلوبنا
ومسير ليالي القرب ـ ح تكون من نصيبنا
واحب روحي ـ إكمنّه روحي بتحبك
واحب نوحي ـ إكمنّه بيحنن قلبك
ويهون عليك بعد ده كله ـ اخلص فى حبي واتألم
ليه الفؤاد ترضى بذله ـ ما دام عرفت إنه مِسَلِّم

» أمل حياتى..كوكب الشرق ( عبد الوهاب ) حفل قصر النيل 6 يناير 1966
» أمل حياتى..كوكب الشرق( عبد الوهاب )..حفل قصر النيل 2 يونيو 1966
» أمل حياتى..كوكب الشرق( عبد الوهاب )..حفل جامعة القاهرة 24 فبراير 1966
» أمل حياتى..كوكب الشرق( عبد الوهاب )..حفل حديقة الازبكية 3 فبراير 1966
» أمل حياتى..كوكب الشرق..( عبد الوهاب )..حفل بنغازى ( ليبيا ) 19 مارس 1969

صفحة 1 من اصل 1