انا وانت ظلمنا الحب..كوكب الشرق..( بليغ ) حفل قصر النيل 6 ديسمبر 1962 ( الحفل الأول )

انا وانت ظلمنا الحب..كوكب الشرق.. حفل قصر النيل 6 ديسمبر 1962 ( الحفل الاول )
كلمات : عبد الوهاب محمد
لحن : بليغ حمدى

انا وانت .. ظلمنا الحب بايدينا
وجينا عليه .. وجرحناه لحد ما داب حوالينا
ما حدش منا كان عايز يكون ارحم من التاني
ولا يضحي عن التاني
وضاع الحب ضاع .. ما بين عند قلب وقلب ... ضاع
ودلوقت لا انا بنساه
ولا بتنساه ولا بنلقاه .. انا وانت
انا وانت
انا وانت اللى كنا زمان احب اتنين واحن اتنين
وكان اكبر خصام بينا يدوب فى يومين
يا دوب فى يومين
خصامنا ليه النوبه دي زاد
وخلّى الخطوه بينَّا بلاد
فرقنا على طريقين وضاع الحب ضاع
ما بين عند قلب و قلب ضاع
ودي الوقت لانا بنساه
ولا بتنساه ولا بنلقاه ... انا وانت
انا وانت
انا وانت ظلمنا الحب بالغيره
وجبنا للظنون سيره
وقطعنا الامل مرات
ما بين الشك والحيره
وكان الحب بينّا كبير
صغر لما ابتدينا نغير
وبردت نار وقادت نار
وبرضه مشينا فى التيار
وضاع الحب ضاع .. ما بين عند قلب وقلب ... ضاع
ودلوقت لا انا بنساه
ولا بتنساه ولا بنلقاه .. انا وانت
انا وانت
انا وانت .. نسينا حتى نتعاتب ونتصارح
وعز عليك تسيب العند وتسامح
وعز علي اكون البادي واتصالح
واصبح كل يوم بينا
يفوت اصعب من امبارح
نسينا اننا العاشقين
قسينا واحنا مش داريين
نسينا ازاي كده نسينا
وايه ده اللى جرى لينا
وضاع الحب ضاع .. ما بين عند قلب وقلب ... ضاع
ودلوقت لا انا بنساه
ولا بتنساه ولا بنلقاه .. انا وانت
انا وانت

» سيرة الحب ..كوكب الشرق..(بليغ )..حفل قصر النيل 3 ديسمبر 1964 ( الحفل الأول )
» انا وانت ظلمنا الحب.كوكب الشرق( بليغ )1- الازبكية 7 مارس1963..2-قصر النيل 6 يونيو 1963
» انساك..كوكب الشرق..( بليغ )..حفل قصر النيل 7 ديسمبر 1961 ( الحفل الأول )
» كل ليلة وكل يوم..كوكب الشرق..( بليغ ) حفل قصر النيل 5 ديسمبر 1963 ( الحفل الأول )
» الحب كلة ...كوكب الشرق..( بليغ ).حفل قصر النيل 7 يناير 1971 (الحفل الأول )

صفحة 1 من اصل 1