ومرت الايام..كوكب الشرق..( عبد الوهاب )..حفل قصر النيل 5 مارس 1970 ( الحفل الأول )

ومرت الايام..كوكب الشرق..حفل قصر النيل 5 مارس 1970 ( الحفل الاول )
كلمات : مأمون الشناوى
لحن : محمد عبد الوهاب

ودارت الأيام، ومرت الأيام
ما بين بعاد وخصام
وقابلته نسيت إني خصمته
ونسيت الليل اللي سهرته
وسامحت عذاب قلبي وحيرته
ما اعرفش إزاي إزاي إزاي أنا كلمته
ما اقدرش على بعد حبيبي
أنا ليا مين أنا ليا مين إلا حبيبي
قابلني والأشواق في عنيه
سلم وخد ايدي في ايديه
وهمس لي قاللي الحق عليه
نسيت ساعتها بعدنا ليه
فين دموع عيني اللي ما نامت ليالي
بابتسامه من عيونوا نسّاهالي
أمرّ عذاب، واحلى عذاب، عذاب الحب للأحباب
ما اقدرتش اصبر يوم على بعده
ده الصبر عايز عايز صبر لوحده
ما اقدرش على بعد حبيبي
وصفولي الصبر لقيته خيال
وكلام في الحب يا دوب ينقال
واهرب من قلبي اروح على فين
ليالينا الحلوة في كل مكان
مليناها حب احنا الأثنين
وملينا الدنيا أمل، أمل وحنان
عيني عيني على العاشقين
حيارى مظلومين، عالصبر مش قادرين
ما اقدرتش اصبر يوم على بعده
ده الصبر عايز عايز صبر لوحده
ما اقدرش على بعد حبيبي
وهل الفجر بعد الهجر
بلونه الوردي بيصبح
ونور الصبح صحى الفرح
وقال للحب قوم نفرح
من فرحتي تهت مع الفرحه
من فرحتي لا بنام ولا بصحى
ولقيتني معاك بعيش معاك
بعيش في ربيع ما فيش كده
بين شوق ما ينتهيش، وشوق ثاني ابتدى
ما اقدرتش اصبر يوم على بعده
ده الصبر عايز عايز صبر لوحده
ما اقدرش على بعد حبيبي

» ومرت الايام..كوكب الشرق..( عبد الوهاب )..حفل قصر النيل..7 مايو 1970
» ومرت الايام..كوكب الشرق..( عبد الوهاب )..حفل قصر النيل.30 أبريل 1970
» ومرت الايام..كوكب الشرق..( عبد الوهاب )..حفل قصر النيل 2 أبريل 1970
» ومرت الايام..كوكب الشرق..( عبد الوهاب )..ستوديو..11 فبراير 1970
» ومرت الايام..كوكب الشرق..( عبد الوهاب ) ..حفل بعلبك ( لبنان ) 11 يوليو 1970

صفحة 1 من اصل 1