يامسهرنى..كوكب الشرق ( سيد مكاوى ).. ستوديو... 20 مارس 1972

يامسهرنى..كوكب الشرق.. ستوديو.. 20 مارس 1972
كلمات : أحمد رامى
لحن : سيد مكاوى

ماخطرتش على بالك يوم تسأل عنى .
وعينيا مجافيها النوم يا مسهرنى
دانا قلبى بيسألنى إيه غير أحواله
ويقول لى بقى يعنى ما خطرتش على باله
أمال غلاوة حبك فين وفين حنان قلبه عليا
وفين حلاوة قربك فين فين الوداد والحنيه
يا ناسينى وإنت على بالى
وخيالك ما يفارق عينى
ريحنى واعطف على حالى
وارحمنى من كتر ظنونى
لا عنيا بيهواها النوم
ولا باخطر على بالك يوم
إسأل عنى يامسهرنى

إسأل عن اللى يقضى الليل
بين الأمل وبين الذكرى
ويصبر القلب المشغول
ويقول له نتقابل بكره
وبكره يفوت وبعده يفوت
ولا كلمه ولا مرسال
وهو العمر فيه كام يوم
وأنا بعدك عليا طال
ياناسينى وإنت على بالى
وخيالك ما يفارق عيني
ريحنى واعطف على حالى
وارحمنى من كتر ظنونى#
لا عنيا بيهواها النوم
ولا باخطر على بالك يوم
إسأل عنى يامسهرنى

يامسهر النوم فى عينيا
سهرت أفكارى وياك
الصبر ده مش بإديا
والشوق واخدنى لبحر هواك
أقول لروحى وأنا ذنبى إيه
يقول لى قلبى حلمك عليه
مصيره بكره يعطف علينا
ونبقى نعرف هجرنا ليه
ياناسينى وإنت على بالى
وخيالك ما يفارق عيني
ريحنى واعطف على حالى
وارحمنى من كتر ظنونى
لا عنيا بيهواها النوم
ولا باخطر على بالك يوم
إسأل عنى يامسهرنى

تعالى خلى نسيم الليل
على جناح الشوق يسرى
الهجر طال والصبر قليل
والعمر ايامه بتجرى
طالت الايام
تعالى لى قوام
دانا عندى كلام بدى اقولة لك
دانا عندى كلام
وفى قلبى هيام وفى قلبى هيام أوصفهولك
ونعيش ايام ولا فى الاحلام
ياناسينى وإنت على بالى
وخيالك ما يفارق عيني
ريحنى واعطف على حالى
وارحمنى من كتر ظنونى
لا عنيا بيهواها النوم
ولا باخطر على بالك يوم
إسأل عنى يامسهرنى

» يامسهرنى..كوكب الشرق ( سيد مكاوى )..حفل قصر النيل 4 مايو 1972
» يامسهرنى..كوكب الشرق ( سيد مكاوى )..حفل جامعة القاهرة 10 سبتمبر 1972
» يامسهرنى..كوكب الشرق ( سيد مكاوى )..حفل قصر النيل 6 ابريل 1972 ( الحفل الاول )
» ليلة حب..كوكب الشرق..( عبد الوهاب )..ستوديو 20 نوفمبر 1972
» ياسلام على الأمة..كوكب الشرق..وطنية (الموجى )..ستوديو 16 مارس 1965

صفحة 1 من اصل 1