اضحكى وغنى...دويتو الأستاذ ونور الهدى...1946

اضحكى وغنى...1946
دويتو الأستاذ ونور الهدى
كلمات : حسين السيد

إضحكى وغنى وافرحى معايا
فرحة الدنيا وانتى ويايا
الدنيا ضحكت ليّا
قوللى فرحنى احكيلى
بس اوعى تخبى عليا
لحسن دانا قلبى دليلى
أخبار جميله حاقولهالك
مستنى ليه
حاجة ماتخطرشى ف بالك
طب حزرى ايه
لأ قوللى انت وحياة عينيك
شغلت فكرى حرام عليك

شاركتك فى العذاب لما
غايتى أسهر على همك
وليه دلوقتى مش راضى
تشاركنى فى هنا قلبك
ومين غيرك يشاركنى
فى أحزانى وأفراحى
تنام الدنيا وخيالك تمللى
فى دنيتى صاحى
بأة انت عارف كل ده؟
هوه هوه واكتر من كده
طب قوللى على سر هواك
خلّينى أفرح وياك
اخترت القلب اللى حياتى
حاتعيش فى نوره وف ضله
واخترت شريكى اللى آهاتى
كانت تمللى بتتقال له
وحياتى قول مين هيه
يسريه
مين؟!
يسريه
مبروك
عقبالك عقبال مابكره حاقولهالك
اضحكى وافرحى
وغنى واتهنى
أضحك لمين واغنى
لمين وافرح لمين
وانا قلبى حزين
أضحك على ظلم الأيام
ولّا على وداع الأحلام
ولّا حاغنى مع الأوهام
ماتقوللى حاغنى لمين
واضحك لمين
وانا قلبى حزين
كان ليّا قلب باغني معاه
كان يكفى وانا اغنى له بكاة
دلوقتى راح يكتم شكواه
قولولى بس حاغنى لمين
واضحك لمين وانا قلبى حزين

https://www.4shared.com/mp3/GIPbj8DXca/__online.html

» كنت فين تاية وغايب...دويتو الأستاذ ونور الهدى...1946
» عمرى ماحنسى يوم الأتنين...الأستاذ...1946
» انا اللى طول عمرى ماحبيتش..الأستاذ...1946
» مهرجان القمح...الأستاذ...1946
» شبكونى ونسيونى...الأستاذ...1946

صفحة 1 من اصل 1