حاقولك اية عن أحوالى...الأستاذ وراقية إبراهيم...1944

حاقولك اية عن أحوالى...1944
بمشاركة راقية إبراهيم
كلمات : حسين السيد

حاقولك ايه عن أحوالى
بعد اللى شوفتيه بعينيكى
ادى حياتى وادى حالى
حاخبى ايه تانى عليكى
وازاى تعيش بالشكل ده؟
ماقدرش اعيش الا كده
فاكر لما شفنا بعض ف اول مره؟
ايوه فاكر...لأ مش فاكر شيء بالمره
كان حلم جميل
وآدينى لسه عايش فيه
كان حلم جميل
نسيته وانتى كمان انسيه
انساه لوحدك أما انا عمرى ما أنسى اللى مضى
عندى سؤال
اتفضلى
تسمح تجاوبنى
أوى
تقدر تقرالى اللى ف قلبى وتقوللى عليه؟
مكتوب فيه واحد بيحبك وانتى تحبيه
والشخص ده موجود هنا؟
بالطبع لأ
انت كداب دايما تنرفزنى كده
يمكن يكون واقف عالباب
دا شايفنى وانا شايفاه وفاهمنى وانا فاهماه
من غير ماتقولى عذرك انا شوفته
قلبك محتار بين صاحبك وخطيبته
لكن يا محسن انا خايفة تكون بسببى متألم
بالعكس
انا أشكرك عالألم ده
انتى فاكره الجلاس الى كلتيها
مش كانت بارده حياتى كانت كده
وفاكره لما دابت من حرارة شفايفك
حياتى من ساعتها بقت كده
انا مندهش ازاى كنت عايش
من غير ماعرف حرارة الألم
ولقيتنى عايش بين قلبين
اتعاهدوا من قبلى الأتنين
مارضيتش افرق بين أملين
واكون سبب فى عذاب حبيبين
ضحيت بغرامى ونصيبى
واخترت آلامى وتعذيبى
وآلامى هى اللى حاتفضل
من حبى بعد الحرمان
واللى ماسهرش ولا اتألم
عمره مايتسمى انسان

» حكيم عيون...الأستاذ وراقية إبراهيم...1944
» لست أدرى...الأستاذ...1944
» يا جلاس...الأستاذ...1944
» قصيدة قالت...الأستاذ...1944
» مشغول بغيرى...الأستاذ...1944

صفحة 1 من اصل 1