اة منك ياجارحنى..الأستاذ...1956

اة منك ياجارحنى...1956
كلمات : مأمون الشناوى

آه منك يا جارحنى مش راضى تصارحنى
لا أمل بيفرحنى و لا ياس يريحنى آه منك

يا جارحنى بشوك وردك و رامينى فى نار حبى
أنا أقدر على بعدك لو يطاوعنى قلبى
يا حبيبى تعذيبى مسانى و صبحنى
آه منك يا جارحنى مش راضى تصارحنى
لا أمل بيفرحنى و لا ياس يريحنى آه منك

شوف حبك من الأول شوف حبك فى الأخر
دلوقتى بتدلل وبتهجر وأنا صابر
ياجارحنى يا ظالمنى بترجاك تسامحنى
آه منك يا جارحنى مش راضى تصارحنى
لا أمل بيفرحنى و لا ياس يريحنى آه منك

كم مرة أشكى لك نارى و قسوة قلبك
تغضب منى و آجيلك و أحلف عمرى ماعاتبك
وأخبى نار قلبى ودموعى تفضحنى
آه منك يا جارحنى مش راضى تصارحنى
لا أمل بيفرحنى و لا ياس يريحنى آه منك
اة منك

» يابلادى...الأستاذ...1956
» ياجمال النور والحرية...الأستاذ...1956
» يامصر زيك ما لقيت مثالك...الأستاذ...1956
» اليوم فتّحت عينيا...الأستاذ...1956
» تحت القنابل وفوق البارود...الأستاذ...1956

صفحة 1 من اصل 1