اسئلة عاديه وطبيعية إذا كنت طبيعي !!!

لماذا عندما تكون بطارية (الريموت كونترول) ضعيفة نقوم بالضغط بقوة على الأزرار؟؟

يعني بنشحن البطارية!!؟؟

لماذا نخفض صوت المسجل أو (الراديو) في السيارة عندما نشعر بأننا دخلنا بالطريق الخطأ؟؟؟

يعني كدة هنعرف الطريق الصحيح!!؟؟

لماذا نقول هدية مجانية؟؟ وهل يوجد هدية غير مجانية!!؟؟

لماذا عندما نكون داخل المنزل والسماء تُمطر نتسائل: هل السماء تُمطر برة؟؟

يعني عمرها مطرت جوة مش برة!!؟؟

لماذا عندما نقرأ على الحائط 'احترس من الدهان!' لا نصدق بل نجرب ذلك بأصبعنا؟؟

يعني اللي دهن الحائط لازم يحلف!!؟؟

لماذا عندما توقف سيارتك في موقف خالي من السيارات يأتي واحد بعدك ويوقف سيارته بجانب سيارتك؟؟

يعني يسيب الموقف كله ويوقف جنبك!!؟؟

لماذا عندما يتأخر المصعد نضغط عدة مرات على الزر؟؟

يعني كدة هيستحي على دمه ويجي بسرعة!!؟؟

لماذا عندما تكون منتظراً المصعد ويأتي شخص آخر تجده يضغط الزر أيضاً لطلبه؟؟

يعني انت كيس جوافة!!؟؟

لماذا نفتح فمنا عندما نقوم بإطعام الطفل الصغير؟؟

يعني إحنا اللي بناكل واللا هو!!؟؟

لماذا نشعر دوماً بأننا بحاجة إلى 10 دقائق نوم إضافية كلما استيقظنا صباحاً؟؟

لماذا يكون الشخص الذي يشخر ليلاً أول من تغمض عينيه؟؟

يعني مش كفاية شخير وينام بدري!!؟؟

ليه لما تكون قاعد في مكان عام وتسمع رنة محمول على طول تطلع محمولك..؟؟

يعني مش عارف رنتك واللا أنت حضرتك مهم أوي عشان يرن (موبايلك) بين كل البشر دي!!؟؟

لماذا نشعر بالنعاس ونحن نُصلي.. ولكننا نستيقظ فجأة ونشعر بالنشاط فور انتهائنا من الصلاة ؟؟؟؟؟

مش قادر على شيطانك للدرجة دي ؟ ان كيد الشيطان كان ضعيفا – آية كريمة - سبحان الله وبحمده سبحان الله العظيم

لماذا نسهر الليل كل يوم من أجل مباراة في كرة قدم أو مشاهدة فيلم أو مجالسة صديق ولا نسهر بقراءة القرآن أو الصلاة؟

ما يستاهلوش ؟ واللا انت مستكتر على نفسك الجنة ؟ عليكم بقيام الليل فإنه دأب الصالحين قبلكم ، و هو قربة إلى ربكم ، و مكفرة للسيئات و منهاة عن الإثم – حديث شريف – صلى الله وسلم على الهادي

ليه بدأت تحس بالملل دلوقتي لما الكلام دخل في دين الاسلام ومش عايز تكمل ؟ لكن كنت مبسوط وانت بتقرا النكت ؟

الكلام لسة هيحلو أكتر

لماذا نستيقظ باكراً من أجل العمل ولا نستيقظ من أجل صلاة الفجر؟

ركعتي الفجر خير من الدنيا وما فيها – حديث شريف – صلى الله وسلم على الهادي

لماذا نخشى مراقبة الناس لنا ولا نخشى مراقبة الله؟

غافر الذنب وقابل التوب ... شديد العقاب – آية كريمة - سبحان الله وبحمده سبحان الله العظيم

لماذا نُنفق الأموال الكثيرة للمتع والرحلات مع أنها زائلة، ونبخل بالصدقات على الفقراء مع أنها باقية؟

أصل الفقرا ممثلين ومايستاهلوش .... اشتري بيها نفسك .. الصدقة تطفئ الخطيئة كما يطفئ الماء النار – حديث شريف – صلى الله وسلم على الهادي

لماذا يصعب علينا الكلام عن الله تعالى وأمور الدين... ويسهل علينا الكلام عن باقي الأشياء؟؟؟؟؟

اللي بيذكر ربنا مع ناس ربنا بيذكره في ملأ من الملائكة ... ولذكر الله أكبر – آية كريمة - سبحان الله وبحمده سبحان الله العظيم

لماذا نقول أننا نُحب الله ونحن نعصيه..؟؟ ونقول أننا نكره الشيطان ونحن مطيعين له ولجنده؟

ان المحب لمن يحب مطيع – بيت شعر ليس الا

لماذا نمسح الرسائل الإلكترونية التي تتحدث عن الأمور الدينية... ونقوم بإعادة إرسال الرسائل العادية؟؟؟

حاجة بسيطة تتقل ميزان حسناتك ..... دي الحسنة بعشر أمثالها ..ز بس اتأكد الأول من صحة اللي بتبعته وأهو يبقى الثواب مضاعف ... استنفعت ونفعت

لماذا نُحب سماع الأغاني بسياراتنا...؟؟ ونكره سماع القرآن فيها.

القرآن نور للصدر وجلاء للهم والحزن

لماذا نرى أن المساجد أصبحت شبه مهجورة... وأن المقاهي والاستراحات والملاهي أصبحت عامرة؟؟؟

ده المسجد بيت الله .. وربنا بيكرم زواره فهو أكرم الأكرمين

لماذا لا نُحب من ينصحنا ويُريد لنا الجنة...!!؟؟ ونبتعد عنه ونُحب من يقودنا إلى المعاصي ونتقرب منه وإذا افتقدناه نبحث عنه؟؟؟

واصبر نفسك مع الذين يدعون ربهم بالغداة والعشي يريدون وجهه ولا تعد عيناك عنهم تريد زينة الحياة الدنيا ولا تطع من أغفلنا قلبه عن ذكرنا واتبع هواه وكان أمره فرطا – آية كريمة من سورة الكهف لو بتقراها كل جمعة هتعرف - سبحان الله وبحمده سبحان الله العظيم

لماذا نذكر عيوب الناس دائماً وننسى عيوبنا؟

قبل ما تقول حاجة وحشة على مسلم افتكر ان الغيبة عقابها عظيم وقبل ما تظن السوء في حد .... التمس لأخيك سبعين عذرا .... يمكن يوم تتحط مكانه ربنا يعافينا

لماذا نبكي من أغنية صد وهجر ولوعة ولا نبكي من آية جميلة تذكر بالله وخشية الله؟

مش بننصت للقرآن مع انه حوالينا في كل حتة والحمد لله ... واذا قرئ القرآن فاستمعوا له وانصتوا لعلكم ترحمون – آية كريمة - سبحان الله وبحمده سبحان الله العظيم

ولو مش فاهم ايه رأيك تبص في تفسير مبسط ؟

لماذا نغضب إذا انتُهكت حرماتنا ولو بكلمة..؟؟ ولا نغضب من انتهاكنا لحرمات الله...؟؟

ما انتقم رسول الله صلى الله عليه وسلم لنفسه قط إلا أن تنتهك حرمة من حرم الله – حديث شريف – صلى الله وسلم على الهادي

هل ستفكر فيما قرأت ملياً؟؟ هل ستحاول أن تغيّر حالك؟؟

يا رب يهدينا ويهديكم جميعا ويغفر لنا ويثبتنا

هل سترسل هذه الرسالة لأصدقائك؟؟؟

براحتك ... بس أهي حسنة ... يمكن تكبر وتكبر وتشفع لك يوم القيامة .. الدال على الخير كفاعله – حديث شريف – صلى الله وسلم على الهادي

لا تقل فلان يعمل وفلان يقول .... أنجُ بنفسك فمن المؤكد لو أن نفسك تتحدث لقالت أرجوك لا تلقيني في النار.

ههههههههههههههههههههههههههههههههههههه جميل جدا با مصطفى

اعذرني بقى يا أخ مصطفى في دي الكلمة...السما ممكن تمطر جوا..لو السقف فيه ثقوب أومشقوق...ههههههه

اما بخصوص الموبايل لما يرن
فانا بلقي عليه نظرة عشان اوريه للقاعد جنبي ههههههههههههههههههههههههه

ياااااااااااااااااااااااااااااااااااااااااااااه
يااااااااا
ياااااااااااااا على ده موضوع جميل
الله
هادف جدا وجميل جدا
وفعلا بقينا الايام دى بنعمل حاجات مش بنحس بيها

حاجات كتير بنفتكرها عاديه
لكن لو فكرنا فيه للحظات هنلاقى اننا نعانى من اشياء غلط كتير فى حياتنا

فكرتنى بموضوع قريته
لما الزوج بيكون لابس وهيخرج وبيفتح الباب
مراته تقوله ايه يامتولى ..... هو انت خارج

طيب ماهو بيفتح ولابس .... ايه لازمة السؤال ده

ولما يجى بقى ويفتح الباب
تقوله
ايه ده انت جيت .......... امال العفريت اللى جه يعنى ؟

حاجات كتير فى حياتنا
اتسببت فى حيرتنا
وادينا عايشين ... راضيين

شكرا اخى مصطفى على موضوعك
او موضوعاتك اللى ديما رائعه ومفيده للجميع

تحيــــــــــــــــاتى الحلـــــــــوه

شكرا اخى مصطفى للتساؤلات المحيره
دمت بكل الود

معشوقة الجماهير كتب:: ياااااااااااااااااااااااااااااااااااااااااااااه

فكرتنى بموضوع قريته
لما الزوج بيكون لابس وهيخرج وبيفتح الباب
مراته تقوله ايه يامتولى ..... هو انت خارج

يا مروة
طول عمري بقول انه متولي بتاع مشاكل
بس الحق على سعاد الي سابته يخرج

يا جماعة الموضوع فيه شقين الشق الاول عشان تضحكوا شويا والشق التاني عشان نتفكر شويا
لكن موضوع الاسئلة مثل: انتا خارج دي الوقتي ؟ وتكون عارفة انو خارج
ده من اساليب العرب في الكلام !!! ازاي
في اللغة العربية نوع من المحسنات البديعية يدعى"تجاهل العارف"
وهو ان تقوم بطرح سؤال وانت تعرف الجواب مسبقا كما في الامثلة السابقة
والهدف منه هو عملية اقامة حوار بين الشخص السائل والمسؤول وايضا للتأكد او لاضافة معلومة ما
وموجود في لغة العرب كتير وفي حديثنا اليومي كتير وهناك ايضا شواهد منه في القراءن مثل قول الله عز وجل:
"وما تلك بيمينك يا موسى" " قال هي عصاي أتوكأ عليها وأهش بها على غنمي ولي فيها مآرب أخرى "
فالله سبحانه يعلم بانها عصا ويعلم ماذا يفعل بها سيدنا موسى لكن طرح السؤال للاهداف التي ذكرتها سابقا
وكم هي جميلة اللغة العربية
وموجود ايضا في لغات اخرى

ولكن كان الهدف من اضافة هذا الموضوع هو ان تضحكوا قليلا وتفكروا قليلا

وشكرا يا اعزائي

الله الله على المعلومه
شكرا بجد اخى مصطفى
اضحكتنا
وافيدتنا
وخليتنا نفكر للحظات فى اشياء تفيدنا للعمر كله

بس ليا سؤال ...... ياترى الموضوع ده من وحى خيالك
يعنى انت اللى مألف السطور دى ؟؟؟؟

لك اجمل التحيــــــــــــــــــــــات

ههههههههههههه
لأ مش انا
لما ان شاء الله االف حاجة حاقدمها واذكر اني مألفها

ربنا يجازيك خير موضوع حلو جدا وكلامك عن الدين كان حلو جدا وبيصحى حاجات فينا فعلا بس اكتر حاجة موتتنى من الضحك (لماذا نشعر دوماً بأننا بحاجة إلى 10 دقائق نوم إضافية كلما استيقظنا صباحاً؟؟ ) بتحصل معايا كتيييييييييييييييييير ويارتها بتيجى على 10 دقايق بس قول ساعتين او تلاتة وبالذات فى ايام المدرسة

شكرا جزيلا على هذا الموضوع الاكثر من رائع فلايوجد شى فعلا اهم من الصلاة وقراءة القران وربنا يهدى جميع المسلمين والمسلمات

موضوع هادف وحلوو Razz

شكرا لك على هذا الموضوع الهادف والمفيد
فعلا يجب علينا ان نفكر فى كل شىء قبل الكلام أو العمل