اّخر مكالمه تلفونية للعندليب قبل رحيله بيومين

عبد الحليم من على فراش المرض00 لسامية صادق: سمعينى00حلوة يا دنيا00حلوة كدة00عمرى ما شفتك حلوة كدة عبد الحليم: اهلا أزيك000سامية صادق:حمد الله على السلامة أنت عارف ان الاّف المستمعين منتظرين هذه المكالمة يا عبد الحليم عايزينك تطمنهم بنفسك على صحتك 000عبد الحليم: انا كويس اهوه انا كويس خالص 000سامية صادق: انت هترجع بالسلامة ان شاء الله امتى ؟000عبد الحليم: انا ان شاء الله كمان حوالى عشرة ايام بالكتير و كل سنة و هم طيبين ده اول عيد اكون فيه بعيد عن القاهرة و بعيد عن أهلى و أصدقائى و المستمعين و الناس اللى بحبهم000سامية صادق: ان شاء الله ترجع لهم بالسلامة قولى كيف قضيت يومك أمس و كيف تقضى أيامك عموما بالمستشفى؟000عبد الحليم: بيصحونى الساعة خامسة الصبح و بيشربونى الشاى غصب عنى ثم أنام تانى ثم يصحونى الساعة ستة و نصف يفطرونى و بعد كده يهرب منى النوم و افضل انتظر الاطباء يكشفوا علىّ و بعد ذلك اظل فى السرير و احيانا الظهر اتمشى شوية فى الجنينة 000سامية صادق: طب اسمع يا عبد الحليم معاك راديو000عبد الحليم: اّه و ضبطه على القاهرة و بسمعها واضحة جدا و كويسة000سامية صادق: كل الناس بتسأل عليك و منتظرين رجوعك بالسلامة000عبد الحليم: ربنا يخليهم و ميحرمنيش منهم ابدا انا حبيت ان ابقى معاهم و يبقا معايا دايما 000سامية صادق: بوسى بنت أخوك الصغيرة جنبى دلوقتى و بتقولك ان عيدهم يوم ما ترجع بالسلامة000عبد الحليم: ربنا يخليها و يخليكم000سامية صادق: تحب تسمع أغنية معينة من أغانيك و نسمعها معاك دلوقتى؟000عبد الحليم: أنا احب اسمع (ضحك و لعب)000سامية صادق: أى جزء فيها بيعجبك اكتر؟ عبد الحليم: الجزء اللى فية فرح كدة انا حاسس انها مليانة فرح000سامية صادق: أنت فاكر جزء بيعجبك فيها اكتر؟000عبد الحليم: ايوه يا دنيا حلوة كدة عمرى ما شفتك حلوة كدة و لا غنيت لك غنوة كدة000سامية صادق: ان شاء الله تشوفها دايما حلوة و أحلى من كدة كمان000عبد الحليم: ربنا يخليك و ما يحرمناش منك ابدا و سلمى على كل الناس فى مصر000سامية صادق: و كل سنة و انت طيب و احنا منتظرين رجوعك لنا بالسلامة لتغنى لنا كالمعتاد0000000و انتهت اّخر مكالمة مع الفنان عبد الحليم قبل رحيله بيومين و كانت اّخر صوت سمعه المستمعون لنجمهم الكبير و بقيت تسجيلاته تحمل ذكراه ليظل بيننا بأغانيه و بصوته الذى عشقناه

شكرا على هذا الموضوع الرائع ولكن هذه المكالمة كانت فى اوائل الستينات على مااعتقد لان بوسى ابنة اخيه كانت طفلة فى هذا الوقت اما اخر مكالمة لحليم يرحمه الله كانت مع الاعلامى الكبير وجدى الحكيم قبل وفاته بيومين

كلام لأخت نهى صحيح هذه المكالمة لم تكن فى الرحلة الأخيرة